分享
上月我哋造口會辦咗一場精彩絕倫嘅春茗晚宴🎉不但有眾多會員嘅參與，我哋仲邀請咗一班同造口會有連結嘅組織代表出席，一齊見證呢個難忘時刻😌希望大家都有享受其中，盡興而歸🥂
晚宴場內，每位來賓都散發住無比活力💪🏻精彩嘅舞台表演進一步炒熱現場氣氛：先有執委同會員獻唱迎春歌曲🎵🎤再有柔力球小組落力演出，靈活身手令觀眾驚嘆不已（當幾位表演者擺出一字馬，小編都忍唔住拍爛手掌👏🏼）接住仲有驚喜嘅大抽獎環節，人人有份，將氣氛推上高峰🎉🥳
此外，我哋當晚仲舉行咗簡單而隆重嘅義工加許禮，感謝一班義工嘅無私奉獻，服務同路人，體現出我哋造口會自助組織嘅核心價值🙌
在此謹代表香港造口人協會再次感謝每一位出席春茗晚宴嘅朋友，感謝你哋嘅支持及參與！我哋將繼續努力連結起香港造口人社群，為同路人提供更多關愛同支持！我哋期待下一次嘅相聚🙂而家就透過相片，重溫一下當晚嘅盛況啦！