造口用品轉贈站2023年11月

中心化身 #造口物資轉贈站作為香港造口人士主要嘅交流點，其實我哋造口會陸陸續續都會接收到有心人捐出嘅造口物資，然後轉送到有需要嘅會員手上，既可以物盡其用（夠環保），亦可以幫補到少少大家嘅造口用品支出

最近我哋就有一批物資公開畀大家登記領取，包括大/小便袋（一件裝及兩件裝），以及少量床邊袋、防漏膏、護膚粉及尿片。會員每次可以領取最多10個造口袋㗎（其他物資要視乎數量分配）。

在此特別鳴謝各界嘅有心人，當中有會員、家屬、廠商，仲有醫院及護士等等，佢哋非常有心地將物資送到嚟中心，付出相當多嘅時間同心力。交托畀我哋嘅呢份心意我哋必定會將價值發揮到最大

如果你有剩餘嘅造口物資，亦都好歡迎你捐出嚟，透過我哋嘅轉贈服務，將心意送到有需要嘅會員手上㗎！

造口用品轉贈站詳情
開始登記日期：2023年11月2日（四）
開始領取日期：2023年11月7日（二）

領取方法：請致電2834 6096向中心職員登記，並於登記後兩星期內親自或委託他人到中心領取。逾期領取，中心有權將物資轉贈予其他有需要之會員。

領取物資：每位會員每次可以領取最多10個造口袋。如會員登記領取超過3款造口用品，中心將會按存貨數量分配，盡可能讓不同會員受惠。