【活動回顧】#剪袋防漏工作坊

當日嚟咗參加剪袋班嘅朋友都應該得著滿滿咁離開！教人就未必得住，不過大家了解多咗，多練習之後就可以助人自助喇～感謝Convatec 康復寶贊助今次嘅教材，亦都感謝4位 Hong Kong Enterostomal Therapists Association 香港造瘻治療師學會嘅護師詳細嘅講解 ！

溫馨提示一下所有新造口人：每個同路人一開始都會因為身體同其他人有唔同而影響心情，或者會唔想出街，甚至同朋友疏遠。 雖然大家多咗個造口喺個肚仔上面，但係適應咗之後都一樣可以正常生活，不過最好儘量少拎重嘢，以免引起各種併發症。

我哋造口會為造口同路人提供各類嘅支援服務如果你係啱啱出院，而又對剪袋方法好多疑問我哋誠邀你出席我哋定期搞嘅新會員適應小組！詳情可以打去中心問我哋，又可以密切留意我哋FB，活動日期都會喺呢度通知大家！

大家記住繼續CLS（留言、點讚、分享）我哋造口會嘅專頁呀！