分享

位於黃大仙嘅造口會中心咁靚咁舒服又充滿愛🥰我哋梗係知道大家鍾意返嚟啦！不過對於治療期間暫時唔出得街，又或者平時唔方便出街嘅會員，我哋一樣可以將無微不至嘅關心，送去你屋企！🏠
我哋呢個服務特別適合新造口人士，因為剛出院嘅時候，大家可能都會感到迷惘，未熟習剪袋，甚至有膀疝、滲漏、排氣等問題唔知點處理。而我哋嘅同路人義工可以同你分享個人護理經驗，畀你做個參考！
無論係想搵人幫你補習下，想知多啲護理造口嘅貼士，抑或想搵個明白你心情嘅人傾下計🗣️，我哋嘅義工都好樂意同你見面！家訪服務嘅目的，係希望能夠讓你喺一個安心嘅環境，畀我哋了解你身心嘅需要，我哋會盡力提供協助。❤️😊
嚟緊大家可能會收到我哋 #家訪組 義工嘅探訪邀請電話，如果想要我哋嘅關心速遞，唔駛猶豫，立即安排時間啦🏡❤️