【周年會員大會？聖誕聯歡午宴？】

我哋早前舉辦嘅中秋聯誼聚會空前成功大家都非常盡興！仲有唔少會員返尋味～問：幾時再有機會相聚見下呀？

嗱嗱嗱！機會嚟啦！一年一度嘅 #周年會員大會 鐵定於11月29日（星期五）舉行！適逢聖誕節臨近～大會結束後將會自動切換模式變身聖誕聯歡會，喺恆豐酒店嘅紅煙窗餐廳食自助餐，同大家提早慶祝普天同慶嘅節日！

造口會作為 #非牟利機構～會員大會係我哋其中一個最重要嘅盛事！往年嘅會員大會節目豐富，既有執行委員會選舉，亦有不同專業人士做講座分享知識～今年2024年嘅會員大會，可以畀會員了解我哋呢一年嚟嘅會務發展！希望一眾造口人士會員可以投入及支持呢個大型活動！

日期：2024年11月29日（星期五）

時間：會員大會——上午11時15分至12時（會員可在11時於港鐵佐敦站 C 恆生銀行外集合）；聖誕聯歡午——中午12時至2時30分

地點：恆豐酒店紅煙窗餐廳 (Red Chimneys)，九龍尖沙咀彌敦道222號恆豐酒店2樓(港鐵佐敦站 E出口上蓋)

費用：會員大會——免費：聖誕聯歡午宴——會員及附屬會員每位＄200、照顧者每位$220、綜援人士每位＄180（只限會員）。每位會員可攜三位親友/附屬會員/照顧者出席。

報名：可致電中心熱線2834 6096 與職員登記留位（不接受 whatspps報名）。會員可親赴協會報名，首100名報名者可獲海洋公園及纜車門票各一張！

截止報名日期：2024年11月22日（星期五）

繳款費用期限：2024年11月26日（星期二）